- Advertisement -
سوئي گيس ڀرسان روڊ حادثي جي نتيجي ۾ هڪ ڄڻو فوت ۽ 15 مسافر زخمي ٿي پيا آهن.
مهراڻ هاءِ وي تي تيز رفتار ڪوچ جو ڪمند سان ڀريل ٽريڪٽر ٽرالي کي پويان ٽڪر ٿي پيو.
حادثي جي نتيجي ۾ ڪوچ جو ڪنڊيڪٽر پنجاب جي علائقي ڄام پور جو رهواسي حسيب فوت ٿي ويو، جڏهن ته ٽريڪٽر ڊرائيور سميت 15 مُسافر زخمي ٿي پيا.
حادثي بعد زخمي مسافرن کي پوليس پاران گمس گمبٽ اسپتال ڏانهن منتقل ڪيو ويو، جڏهن ته زخمي ٽريڪٽر ڊرائيور جي حالت ڳڻتي جوڳي ٻُڌائي پئي وڃي.
فوتي ڪنڊيڪٽر جو لاش ضروري ڪارروائي لاءِ ٺري ميرواهه اسپتال نيو ويو.
- Advertisement -
