سينيٽ جي 48 سيٽن تي چونڊن لاءِ نامزدگي ڪاغذ جمع ڪرائڻ جو سلسلو شروع

سينيٽ جي 48 سيٽن تي چونڊن لاءِ نامزدگي ڪاغذ جمع ڪرائڻ جو سلسلو شروع ٿي ويو آهي، نامزدگي ڪاغذ اڄ ۽ سڀاڻي جمع ڪرائي سگهبا. سينيٽ ۾ سنڌ ۽ پنجاب جي ٻارنهن ٻارنهن، بلوچستان ۽ ڪي پي جي 11-11 سيٽن تي چونڊ 2 اپريل تي ٿيندي، جڏهن ته اسلام آباد ۾ سينيٽ جي ٻن سيٽن تي اليڪشن ٿيندي. اليڪشن ڪميشن موجب اميدوارن جي لسٽ 17 مارچ تي لڳائي ويندي ۽ ڇنڊڇاڻ 19 ٿي ٿيندي، ڪاغذن تي اعتراض 21 مارچ تائين داخل ڪرائي سگهبا، 25 مارچ تائين ٽربيونل اعتراض اڪلائيندا، 26 مارچ تي اميدوارن جي عبوري لسٽ جاري ٿيندي ۽ 28 مارچ تائين اميدوار نامزدگي ڪاغذ واپس وٺي سگهن ٿا. چئني صوبن ۾ سينيٽ ۾ ستن ستن جنرل، ٻن ٽيڪنوڪريٽ ۽ ٻن ٻن  عورتن جي سيٽن تي اليڪشن  ٿيندي. پنجاب ۽ سنڌ ۾ هڪ هڪ اقليتي سيٽ تي به چونڊ ٿيندي