صدر آصف علي زرداري ۽ وزيراعظم شهباز شريف طرفان ايراني صدر ابراهيم رئيسي جي هيليڪاپٽر حادثي تي ڳڻتي ظاهر

صدر آصف علي زرداري ۽ وزيراعظم شهباز شريف ايراني صدر ابراهيم رئيسي سان پيش آيل حادثي تي افسوس جو اظهار ڪيو آهي. صدر آصف علي زرداري چيو آهي ته هو  ايراني صدر جي صحت ۽ سلامتي لاءِ دعاگو آهي. ٻئي پاسي وزيراعظم شهباز شريف جو چوڻ آهي ته ايراني صدر بابت پريشان ڪندڙ اطلاع مليا آهن. هن چيو ته سندن دعاعون ايراني صدر ۽ قوم سان گڏ آهن. اسپيڪر اياز صادق پنهنجي پيغام ۾ چيو آهي ته دعا آهي ته ايراني صدر ۽ سان گڏ ٻيا ماڻهو خيريت سان هجن. هن چيو ته مشڪل ۽ امتحان جي وقت ۾ ايراني ڀائرن ۽ ڀينرن سان گڏ آهي. هوڏانهن سنڌ جي گورنر ڪامران ٽسوري به هيليڪاپٽر حادثي تي ايراني سفير سان رابطو ڪري افسوس جو اظهار ڪيو آهي.