صوبائي حڪومتن وچ ۾ ڪو به مقابلو ناهي پر عوامي ضرورت موجب منصوبا شروع ڪيا ويندا آهن : ناصر شاهه

سنڌ جي توانائي واري وزير ناصر شاهه چيو آهي ته سنڌ ۽ پنجاب جون حڪومتون پنهنجي پنهنجي قيادت جي رهنمائي ۾ عوامي ڀلائي لاءِ بهتر ڪم ڪري رهيون آهن، صوبائي حڪومتن وچ ۾ ڪو به مقابلو ناهي پر عوامي ضرورت موجب منصوبا شروع ڪيا ويندا آهن. سنڌ ۽ پنجاب حڪومتن جي ترجمانن جي بيانن تي رد عمل ڏيندي ناصر شاهه چيو ته جيڪڏهن سنڌ جو وڏو وزير ڄامشورو سيوهڻ روڊ جلد مڪمل ڪرڻ چاهي ٿو ته ڪهڙي خرابي آهي. سندس چوڻ هو ته سنڌ سرڪار هن رٿا لاءِ 2017ع ۾ نيشنل هاءِ وي اٿارٽي کي 7 ارب رپين جي رقم ڏني پر اين ايڇ اي اپريل 2017 کان هن وقت تائين ڄامشورو، سيوهڻ روڊ مڪمل نه ٿي سگهيو آهي، ڄامشورو سيوهڻ  روڊ مڪمل نه ٿيڻ سبب هزارين قيمتي جانيون ضايع ٿي چڪيون آهن.