- Advertisement -
اسرائيلي وزيراعظم نيتن ياهو اشارو ڏنو آهي ته غزه ۾ اسرائيلي فوجي ڪارروايون وڌيڪ شدت اختيار ڪري سگھن ٿيون.
اسرائيلي وزيراعظم نيتن ياهو ٽيليويزن تي خطاب ۾ تصديق ڪئي ته هڪ اسرائيلي وفد مصر جي گادي واري هنڌ قاهره ويندو ته جيئن جنگ بندي لاڳو ڪرڻ بابت ڪجهه تفصيل طئي ڪري سگھجن ۽ ان لاءِ هڪ ٽائم لائين تيار ڪري سگھجي.
نيتن ياهو چيو ته حماس وٽ معاهدي کي قبول ڪرڻ کانسواءِ ڪو به رستو ناهي.
اسرائيلي وزيراعظم چيو ته حماس کي هٿيار ڦٽا ڪرڻا پوندا، سفارتي حل ذريعي يا فوجي طاقت ذريعي حماس کي بي هٿيار ڪيو ويندو، آمريڪا کي ٻڌايو ويو آهي ته حماس کي بي هٿيار ڪيو وڃي ۽ اسان کي اهو ڪرڻ گهرجي.
نيتن ياهو جي انهي بيان مان ظاهر ٿئي ٿو ته جيڪڏهن حماس جنگ بندي جي معاهدي کي قبول نه ڪندو ته اسرائيلي فوجي ڪارروايون تيز ڪيون وينديون.
واضع رهي ته فلسطيني مزاحمتي تنظيم حماس آمريڪي صدر ڊونلڊ ٽرمپ جي 20 نقطن واري غزه امن منصوبي کي گھڻي حد تائين قبول ڪري ورتو آهي…….- Advertisement -
