فارم 45 تحت سندن ڪاميابيءَ جا نتيجا جاري نه ڪيا ويا ته آءِ ايم ايف پروگرام متاثر ٿيندو: بئريسٽر گوهر

تحريڪ انصاف، چيف اليڪشن ڪمشنر کان استعيفيٰ جو مطالبو ڪيو آهي، بئريسٽر گوهر جو چوڻ آهي ته فارم 45 تحت سندن ڪاميابيءَ جا نتيجا جاري نه ڪيا ويا ته آءِ ايم ايف پروگرام متاثر ٿيندو. پي ٽي آءِ بانيءَ سان جيل ۾ ملاقات بعد ميڊيا سان ڳالهائيندي بئريسٽر گوهر چيو ته پي ٽي آءِ جي بانيءَ سان تفصيلي ملاقات ٿي، کيس سني اتحاد ڪائونسل سان اتحاد بابت آگاهه ڪيو، هنن 50 ايم اين ايز جي لسٽ اليڪشن ڪميشن ڏانهن موڪلي ڇڏي آهي، جيڪي ايم اين ايز سني اتحاد ڪائونسل ۾ شامل ٿيندا ان ئي حساب سان کين مخصوص سيٽون ملنديون. هن چيو ته سندن مطالبو آهي ته فارم 45 تحت چونڊ نتيجا جاري ڪيا وڃن، چيف اليڪشن ڪمشنر سڪندر سلطان راجا کي استعيفيٰ ڏيڻ گهرجي. بئريسٽر گوهر چيو ته صحيح نتيجا عوامي مينڊيٽ تحت جاري ٿيڻ گهرجن، راولپنڊي جي ڪمشنر واضح طور ٻڌايو ته ڪيئن ڌانڌلي ٿي….