قازقستان باضابطه طور تي ابراهيمي معاهدي ۾ شموليت اختيار ڪئي آهي: امريڪي صدر ڊونلڊ ٽرمپ جو اعلان

امريڪي صدر ڊونلڊ ٽرمپ اعلان ڪيو آهي ته قازقستان باضابطه طور تي ابراهيمي معاهدي ۾ شموليت اختيار ڪئي آهي. صدر ٽرمپ جي وائيٽ هائوس ۾ وچ ايشيائي ملڪن جي اڳواڻن سان ملاقات ٿي جنهن ۾ قازقستان جو صدر به موجود هو. ان موقعي تي آمريڪي صدر ميڊيا سان ڳالهائيندي اعلان ڪيو ته قازقستان باضابطه طور تي ابراهيم معاهدي ۾ شامل ٿي ويو آهي. ٽرمپ چيو ته قازقستان سندس صدارتي دور جي ٻي مدي دوران ابراهيم معاهدي ۾ شامل ٿيڻ وارو پهريون ملڪ بڻجي ويو آهي. صدر ٽرمپ قازقستان کي هڪ شاندار ملڪ ۽ باصلاحيت قيادت سان گڏ هڪ قوم قرار ڏنو ۽ چيو ته قازقستان جو ابراهيم معاهدي ۾ شامل ٿيڻ دنيا ۾ امن، سهڪار ۽ خوشحالي کي هٿي ڏيڻ جي طرف هڪ وڏو قدم آهي. ٽرمپ چيو ته ٻيا ملڪ جلد ئي ابراهيم معاهدي ۾ شامل ٿيندا جيڪو خطي ۾ استحڪام ۽ ترقي کي فروغ ڏيندو.