قومي اسيمبليءَ جي 170 سيٽن تي ڪاميابي حاصل ڪئي آهي: بئريسٽر گوهر خان

تحريڪ انصاف وفاق، پنجاب ۽ ڪي پي ۾ حڪومت ٺاهڻ  جو اعلان ڪري ڇڏيو، بئريسٽر گوهر خان جو چوڻ آهي ته قومي اسيمبليءَ جي 170 سيٽن تي ڪاميابي حاصل ڪئي آهي، فارم 47 ۾ نتيجا تبديل ڪري ڌانڌلي ڪئي وئي آهي، فارم 45 تحت نتيجا جاري ڪيا وڃن، سندن قيادت کي جيل حوالي ڪري چونڊ نشان به واپس ورتو ويو آهي. اسلام آباد ۾ پريس ڪانفرنس ڪندي بئريسٽر گوهر خان چيو ته تحريڪ انصاف جي هن فتح کي غلامي نامنظور جي نالي سان ڳنڍڻ ٿا، ڪهڙي پارٽي جوائن ڪرڻ آهي ان جو فيصلو به جلد ڪندا. سندس چوڻ هو ته جنهن وٽ 50 سيٽن جي اڪثريت ناهي اهو حڪومت ٺاهڻ جا بيان ڏئي ٿو، وفاق ۾ تحريڪ انصاف حڪومت ٺاهيندي. تحريڪ انصاف اڳواڻ بئريسٽر گوهر خان چيو ته اڄ ملڪ جي جمهوريت جو اهم ترين ڏينهن آهي، هو ٽن اسيمبلين کي ٽوڙي نئين اليڪشن طرف وڌيا، سپريم ڪورٽ جي مداخلت سان 8 فيبروري تي چونڊن جو فيصلو ٿيو. هن چيو ته اليڪشن ڪميشن جي ذميواري هئي ته 2 وڳي تائين نتيجا ڏئي ها، صبح 10 وڳي تائين نتيجن جو عمل هر صورت ۾ مڪمل ٿيڻ گهرجي ها. بئريسٽر گوهر خان چيو ته قومي اسيمبليءَ جي 170 سيٽن تي ڪاميابي حاصل ڪئي آهي، فارم 47 ۾ نتيجا تبديل ڪري ڌانڌلي ڪئي وئي آهي، فارم 45 تحت نتيجا جاري ڪيا وڃن……….