ملير جي ميمڻ ڳوٺ ٿاڻي جي پوليس وڪرو ڪيل ٻار جي والد جي فرياد تي ڪيس داخل ڪرڻ کانپوءِ خانگي اسپتال کي سيل ڪري ڇڏيو

ملير جي ميمڻ ڳوٺ ٿاڻي جي پوليس وڪرو ڪيل ٻار جي والد جي فرياد تي ڪيس داخل ڪرڻ کانپوءِ خانگي اسپتال کي سيل ڪري ڇڏيو آهي. ميمڻ ڳوٺ ۾ اسپتال انتظاميا طرفان آپريشن جا پئسا نه هئڻ تي وڪرو ڪيل تازو ڄاول ٻارڙو لاهور مان بازياب ڪرايو ويو هو. بازياب ٿيل ٻار جي والد سارنگ جوکيو جي فرياد ميمڻ ڳوٺ ٿاڻي تي واقعي جو ڪيس داخل ڪيو ويو. پوليس ڪيس داخل ڪرڻ کانپوءِ اسپتال کي سيل ڪري ڇڏيو آهي. پوليس طرفان جوابدارن جي گرفتاري لاءِ مختلف هنڌن تي ڇاپا هنيا پيا وڃن، جڏهن ته ڪابه گرفتاري عمل ۾ ناهي اچي سگهي. ميمڻ ڳوٺ جي خانگي اسپتال جي ڊاڪٽرياڻي تي ڪيس داخل ٿيڻ کانپوءِ بااثر ڌرين طرفان ڊاڪٽرياڻي کي بچائڻ جون ڪوششون ڪيون پيون وڃن.