ملير ۾ اسڪولن کي تالا لڳل هجڻ تي جڊيشل مئجسٽريٽ تعليم کاتي جي عملدارن تي ڪاوڙ جو اظهار

ملير جي مختلف علائقن ۾ اسڪولن کي تالا لڳل هجڻ تي جڊيشل مئجسٽريٽ صائمه ڪٽو تعليم کاتي جي عملدارن تي ڪاوڙ جو اظهار ڪندي رپورٽ گهري ورتي آهي.

جڊيشل مجسٽريٽ صائمه ڪٽو گڏاپ ٽائون جي حڪيم گبول ڳوٺ، قاسم گبول ڳوٺ، جلاب گبول ڳوٺ سميت ٻين ڳوٺن جي اسڪولن جا دورا ڪيا.

جڊيشل مجسٽريٽ صائمه ڪٽو اسڪولن کي تالا لڳل هجڻ تي ڪاوڙ جو اظهار ڪيو، جڏهن ته ڳوٺاڻن طرفان جڊيشنل مجسٽريٽ آڏو سهولتون نه هجڻ جون شڪايتون ڪيون. جڊيشل مجسٽريٽ صائمه ڪٽو اسڪولن ۾ پيئڻ جي پاڻي جي سهولت ۽ واش روم نه هجڻ تي حيرانگي جو اظهار ڪندي تعليم کاتي جي اختيارين کان رپورٽ گهري ورتي.