ملڪ ترقي ۽ خوشحالي جي واٽ تي هلي رهيو آهي : وزيراعظم

وزيراعظم شهباز شريف چيو آهي ته ملڪ ترقي ۽ خوشحالي جي واٽ تي هلي رهيو آهي. چين روانگي وقت پنهنجي وڊيو بيان ۾ وزيراعظم شهباز شريف چيو ته  چين هر ڏکي وقت ۾ پاڪستان جو ڀائرن وانگر ساٿ ڏنو آهي. هن چيو ته  چيني سيڙپڪاريءَ سان لوڊشيڊنگ جو مسئلو حل ڪيو ويو، چين دنيا جي ٻئي وڏي معاشي ۽ فوجي طاقت آهي. سندس چوڻ هو ته چيني صدر سان ڳالهيون ڪري نون معاهدن تي صحيحون ڪيون وينديون. وزيراعظم شهباز شريف چيو ته پاڪستان ۽ چين جي دوستي لازوال رشتي ۾ ٻڌل آهي،  ٻنهي ملڪن ۾ مثالي دوستيءَ جو ڪو به مٽ ناهي. هن چيو ته  پاڪستان ۽ چين پهرين ڏينهن کان هڪ ٻئي مٿان تمام گهڻو اعتماد ڪن ٿا، ٻنهي ملڪن جي دوستي وقت سان گڏ وڌيڪ مضبوط ٿيندي.