ملڪ ۾ نئين حڪومت ٺهڻ کان اڳ عوام تي پيٽرول بم ڪيرائڻ جون تياريون

ملڪ ۾ نئين حڪومت ٺهڻ کان اڳ عوام تي پيٽرول بم ڪيرائڻ جون تياريون ڪيون ويون آهن. ذريعن جو چوڻ آهي ته اڄ کان ايندڙ 15 ڏينهن لاءِ پيٽروليم شين جي اگهن ۾ واڌ جو امڪان آهي. ذريعن موجب، ڊيزل جي اگهن ۾ ساڍا 7 رپيا في لٽر تائين اضافي جو امڪان آهي. ذريعن جو چوڻ آهي ته پيٽرول جي قيمتن ۾ هڪ رپيو 86 پيسا في لٽر واڌ ٿي سگهي ٿي. ذريعن موجب، لائٽ ڊيزل جي اگهن ۾  2 رپيا 82 پيسا في لٽر واڌ جو امڪان آهي جڏهن ته گاسليٽ جي قيمتن ۾ هڪ رپيو 7 پيسا في لٽر اضافو ٿي سگهي ٿو. ذريعن جو چوڻ آهي ته برني آئل مارڪيٽ ۾ ڪچي تيل جي قيمتن ۾ اضافو ٿيو آهي.