- Advertisement -
نئين چونڊيل آمريڪي صدر ڊونلڊ ٽرمپ جي ٻئين صدارتي مدي جي حلف برداري تقريب جون تياريون چوٽ تي آهن.
ڊونلڊ ٽرمپ 20 جنوري تي ٻئين صدارتي مدي جو قسم کڻندو، حلف برداري تقريب يو ايس ڪيپيٽل جي ڏاڪڻين تي ٿيندي، جتي ٽرمپ باضابطا طور تي ڪانگريس جي ميمبرن، آمريڪي سپريم ڪورٽ، انتظاميا ۽ هزارين ماڻهن آڏو قسم کڻندو.
تقريب لاءِ سخت حفاظتي انتظام ڪيا پيا وڃن، 25 هزار پوليس آفيسر مقرر ڪيا ويندا ۽ سڪيورٽي چوڪيون قائم ڪيون پيون وڃن.
وائيٽ هائوس کان ڪيپيٽل تائين 3 ڪلو ميٽرن جو علائقو گاڏين جي اچ وڃ لاءِ بند ڪيو ويندو.
آمريڪي صدر جوبائيڊن تصديق ڪئي آهي ته هو يقينن ڊونلڊ ٽرمپ جي صدارتي تقريب ۾ شرڪت ڪندو.- Advertisement -
