مسلم ليگ ن جي صدر نواز شريف ۽ پنجاب جي وزيراعليٰ مريم نواز سان جاپاني سفير مٽسوهيرو واڊا ملاقات ڪئي آهي.
ٽنهي اڳواڻن جي ملاقات ۾ گڏيل دلچسپي جي معاملن، ٻطرفن لاڳاپن کي هٿي ڏيڻ ۽ مختلف شعبن ۾ سهڪار وڌائڻ تي خيالن جي ڏي وٺ ڪئي وئي.
ان موقعي تي ن ليگ صدر ميان نواز شريف جو چوڻ هو ته پاڪستان ۽ جاپان جي وچ ۾ بهترين لاڳاپا اڳتي وڌائڻ لاءِ اهي پرعزم آهن، جاپان پنهنجي محنت ۽ لڳاءَ سان دنيا ۾ نمايان حيثيت رکي ٿو.
وزيراعليٰ پنجاب مريم نواز چيو ته ميان نواز شريف پاڪستان ۽ جاپان وچ ۾ ٻطرفو واپار وڌائڻ ۾ پڻ دلچسپي رکي ٿو، تعليم، صحت ۽ شهري سهولتن جي بهتري ۾ پنجاب حڪومت سان جاپان جو سهڪار ساراهه جوڳو عمل آهي.
هن وڌيڪ چيو ته پنجاب ۾ تعليم، صحت، توانائي ۽ ٻين شعبن ۾ سيڙپڪاري جي وڏي گنجائش موجود آهي، صوبو سيڙپڪاري لاءِ تمام فائدي ماحول ۽ سهولتون ڏئي رهيو آهي.
ان موقعي تي جاپاني سفير مٽسوهيرو واڊا چيو ته هو پاڪستان سان لاڳاپن کي وڌيڪ هٿي ڏيڻ جو خواهشمند آهي.
