نيب جي نئين قانون کانپوءِ سنڌ جي وڏي وزير مراد علي شاهه کي به وڏو رليف ملي ويو

نيب جي نئين قانون کانپوءِ سنڌ جي وڏي وزير مراد علي شاهه کي به وڏو رليف ملي ويو،  اسلام آباد جي احتساب عدالت نوري آباد پاور پلانٽ ڪيس ڪراچي جي اينٽي ڪرپشن ڪورٽ منتقل ڪري ڇڏيو، عدالت جو چوڻ آهي ته نيب ترميمي ايڪٽ کانپوءِ ريفرنس احتساب عدالت جي دائري ۾ نه ٿو اچي. اسلام آباد جي احتساب عدالت ۾ نوري آباد پاور پلانٽ مبينا مني لانڊرنگ ڪيس جي ٻڌڻي ٿي. عدالت وڏي وزير مراد علي شاهه جو ڪيس احتساب عدالت اسلام آباد کان ڪراچي اينٽي ڪرپشن ڪورٽ منتقل ڪيو. مراد علي شاهه ۽ ٻين خلاف ڪيس اسپيشل جج اينٽي ڪرپشن ڪراچي کي منتقل ڪيو ويو. احتساب عدالت جي جج محمد بشير حڪم جاري ڪيا. احتساب عدالت چيو ته نيب ترميمي ايڪٽ کانپوءِ ريفرنس احتساب عدالت جي دائري ۾ نه ٿو اچي. وڏي وزير مراد علي شاهه ۽ ٻين عدالتي دائره اختيار کي چئلينج ڪيو هو.