پير پاڳاري پاران چوٽياريون واقعي جي مذمت، وارثن سان همدردي جو اظهار

حـُـرن جي روحاني پيشوا ۽ جي ڊي اَي سربراهه پير پاڳاري حـُـر جماعت کي چوٽياريون واقعي جي متاثرن سان همدردي جو اظهار ۽ سندن هر ممڪن مدد جي هدايت ڪئي آهي. جاري ڪيل بيان ۾ پيرپاڳاري چوٽياريون واقعي جي مذمت ڪندي مقتولن جي وارثن سان همدرديءَ جو اظهار ڪيو. سندس چوڻ هو ته هڪ انسان جو قتل سموري انسانيت جو قتل آهي، حــُـر جماعت ڌرڻي تي ويٺلن کي هر سهولت فراهم ڪري. پيرپاڳاري چيو ته ڏک جي گهڙيءَ ۾ حـُـر جماعت سري جماعت سان گڏ بيٺل آهي. حرن جي روحاني پيشوا جماعت کي هدايت ڪئي ته ڌرڻو جاري رهڻ تائين سندس کاڌي پيتي جو بندوبست ڪيو وڃي.