وفاقي سرڪار ايندڙ پندرنهن ڏينهن لاءِ پيٽروليم شين جي نين قيمت جو اعلان ڪري ڇڏيو

وفاقي سرڪار ايندڙ پندرنهن ڏينهن لاءِ پيٽروليم شين جي نين قيمت جو اعلان ڪري ڇڏيو. ناڻي واري وزارت طرفان جاري نوٽيفڪيشن موجب، 16 ڊسمبر کان 31 ڊسمبر 2024 تائين پيٽرول جي قيمت 252 رپيا 10 پيسا في لٽر برقرار رکڻ جو فيصلو ڪيو ويو آهي. نوٽيفڪيشن موجب، هاءِ اسپيڊ ڊيزل 3 رپيا 5 پيسا، لائٽ ڊيزل 2 رپيا 78 پيسا ۽ گاسليٽ 3 رپيا 32 پيسا في لٽر سستو ڪيو ويو آهي. قيمتن ۾ گھٽتائي کانپوءِ هاءِ اسپيڊ ڊيزل جي نئين 255 رپيا 38 پيسا، لائٽ ڊيزل 148 رپيا 95 پيسا ۽ گاسليٽ 161 رپيا66 پيسا في لٽر ٿي ويو. نوٽيفڪيشن موجب، نوان اگهه رات ٻارهين وڳي کان لاڳو ٿي ويا. واضع رهي  ته پهرين ڊسمبر تي حڪومت پيٽرول جي اگهه ۾ 3 رپيا 72 پيسا جڏهن ته ڊيزل جي اگهه ۾ 3 رپيا 29 پيسا في لٽر اضافو ڪيو هو..