ٽنڊوالهيار ۾ واپارين ضلعي انتظاميا خلاف 3 ڏينهن شٽر بند هڙتال جو اعلان ڪري ڇڏيو

ٽنڊوالهيار ۾ واپارين ضلعي انتظاميا خلاف 3 ڏينهن شٽر بند هڙتال جو اعلان ڪري ڇڏيو. انجمن تاجران پاران ضلعي انتظاميا جي زيادتين خلاف واپارين جو اجلاس ٿيو جنهن ۾ ٽي ڏينهن شٽربند هڙتال جو اعلان ڪيو ويو. صدر انجمن تاجران جو چوڻ هو ته انتظاميا دڪاندارن کي حراسان ڪرڻ لاءِ بناجواز ڏنڊ جي صورت ۾ ڀتو اوڳاڙي رهي آهي، شٽر بند هڙتال ضلعي انتظاميا جي زيادتين، ڏنڊ، ڀتو وٺڻ ۽ اڍنگي روين خلاف ڪئي ويندي. سندن چوڻ هو ته ڊپٽي ڪمشنر ۽ سندس ٽيم دڪاندارن ۽ ٻين  عذاب بڻجي ويئي آهي، شڪايتن باوجود زيادتين جو ازالو نه پيو ڪيو وڃي هنن وڌيڪ چيو ته واپارين سان ٿيل زيادتين جو ازالو ڪري ڊپٽي ڪمشنر کي هٽائي بيچيني ختم ڪئي وڃي.