- Advertisement -
پنجن ميچن تي ٻڌل سيريز جي ٽئين ٽي ٽوئنٽي ميچ ۾ نيوزيلينڊ پاڪستان کي 7 وڪيٽن تان شڪست ڏئي ڇڏي.
راولپنڊي ۾ کيڏيل پنجن ميچن تي ٻڌل سيريز جي ٽئين ٽي ٽوئنٽي ميچ ۾ ڪيوي ٽيم جي ڪپتان ٽاس کٽي ميزبان ٽيم کي پهريان بيٽنگ جي دعوت ڏني.
پاڪستان پهريان بيٽنگ ڪندي نيوزيلينڊ کي ميچ کٽڻ لاءِ 179 رنسن جو ٽارگيٽ ڏنو.
پاڪستان طرفان شاداب خان 41 رنسون، بابر اعظم 37 رنسون، صائم ايوب 32 رنسون ٺاهيون جڏهن ته محمد رضوان 23 رنسن ٺاهي آئوٽ ٿي ويو.
نيوزيلينڊ طرفان سوڍي 2 ۽ بريس ويل ۽ ڊَفي هڪ هڪ وڪيٽ ورتي.
نيوزيلينڊ 179 رنسن جو هدف 19 هين اوور ۾ 3 وڪيٽن جي نقصان تي حاصل ڪري ورتو.
نيوزيلينڊ طرفان مارڪ چيپمين 42 بالن تي 87 رنسن جي ناقابل شڪست اننگز کيڏي، سندس اننگز ۾ 4 ڇڪا ۽ 9 چوڪا شامل هئا.
ان کان علاوه ڊين فاڪس ڪرافٽ 31 رنسن جي اننگز کيڏي، ٽم رابنسن 28 ۽ ٽم سيفرٽ 21 رنسون ٺاهيون.
پاڪستان طرفان عباس آفريدي 2 رانديگرن کي آئوٽ ڪيو جڏهن ته نسيم شاهه هڪ وڪيٽ ورتي……- Advertisement -
