چونڊ مهم دوران ڊونلڊ ٽرمپ عورتن بابت تڪراري بيان ڏيڻ کانپوءِ پاڻ کي عورتن جو تحفظ به قرار ڏيئي ڇڏيو

آمريڪي صدارتي چونڊن ۾ 4 ڏينهن رهجي ويا، چونڊ مهم دوران ڊونلڊ ٽرمپ عورتن بابت تڪراري بيان ڏيڻ کانپوءِ پاڻ کي عورتن جو تحفظ به قرار ڏيئي ڇڏيو. وسڪونسن ۾ چونڊ ريلي کي خطاب دوران ڪملا هيرس ۽ جوبائيڊن کي تنقيد جو نشانو بنائيندي ڊونلڊ ٽرمپ چيو ته انهن ڏوهاري پناهگيرن کي امپورٽ ڪيو ۽ هن ملڪ ۾ داخل ٿي سندن ڇوڪرين ۽ عورتن تي حملا، جنسي زيادتي ۽ قتل ڪرڻ جي اجازت ڏني. ٽرمپ چيو ته سندس ٽيم منع ڪيو هو ته هو اِهي جملا ادا نه ڪري پر هو چئي رهيو آهي ته عورتن کي پسند هجي يا نه هجي پر هو سندن حفاظت ڪندو. آمريڪي صدارتي اميدوار جو چوڻ هو ته هتي ڪا اهڙي عورت موجود ناهي جيڪا نه ٿي چاهي ته سندس حفاظت ڪئي وڃي، ڪا اهڙي عورت نه ٿي چاهي ته آمريڪي صدر ان جي حفاظت ڪري. ڊونلڊ ٽرمپ چيو ته هو عورتن جي حفاظت يقيني بڻائيندو، چاهي عورتون ان سان متفق هجن يا نه هجن. مخالف اميدوار ڪملا هيرس ڊونلڊ ٽرمپ جي بيان کي انتهائي جارحاڻو قرار ڏيندي چيو ته هو عورتن جي آزادي ۽ ذهانت کي ترجيح نه ٿو ڏئي.