ڪوٽڙي سائيٽ پوليس طرفان مبينا مقابلي ۾ هڪ ڏوهاري کي گرفتار ڪرڻ جي دعويٰ

ڪوٽڙي سائيٽ پوليس طرفان مبينا مقابلي ۾ هڪ ڏوهاري کي گرفتار ڪرڻ جي دعويٰ ڪئي وئي آهي. پوليس جو چوڻ هو ته پوليس پوسٽ ٽي بي جي حدن ۾ گشـت دوران ڏوهه جي ارادي سان بيٺل جوابدارن پوليس مٿان فائرنگ ڪري ڏني. پوليس موجب فائرنگ جي ڏي وٺ ۾ هڪ ڏوھاري نديم پنهور کي زخمي حالت ۾ گرفتار ڪيو ويو، سندس قبضي مان ڦر ڪيل موٽرسائيڪل هٿ ۽ پسٽل هٿ ڪيو ويو. پوليس موجب زخمي حالت ۾ گرفتار ڪيل ڏوهاري جا ٻه ساٿي فرار ٿيڻ ۾ ڪامياب ٿي ويا، جن جي ڳولا جاري آهي ۽ کين جلد گرفتار ڪيو ويندو. پوليس جو چوڻ آهي ته زخمي حالت ۾ گرفتار ڪيل ڏوھاري کان جاچ جاري آهي ۽ سندس ڪرمنل رڪارڊ به چيڪ ڪيو پيو وڃي.