- Advertisement -
ڪينيڊا ۾ ترسيل پاڪستاني نوجوان محمد شاهزيب کي داعش جي مدد ڪرڻ جي الزام هيٺ گرفتار ڪيو ويو.
دعوى ڪئي وئي آهي ته شاهزيب نيويارڪ ۾ يهودي مرڪز کي اجتماعي طور تي نشانو بڻائڻ جي ڪوشش ڪري رهيو هو.
محمد شاهزيب جي عمر 20 ورهيه آهي جڏهن ته کيس شاهزيب جدون جي نالي سان به سڃاتو ويندو آهي، ان کي نيويارڪ ۾ داخل ڪيل شڪايت سبب ڪينيڊا ۾ گرفتار ڪيو ويو.
محمد شاهزيب تي داعش جي ڪوشش جو الزام آهي، اٽارني جنرل ميريڪ گارلينڊ دعوى ڪئي ته شاهزيب ويجهي تاريخ ۾ نيويارڪ ۾ وڌ کان وڌ يهودين کي قتل ڪرڻ جي سازش ڪري رهيو هو پر ايف بي آءِ ۽ ڪينيڊين حڪومت جي بروقت ڪارروائي سان اها سازش ناڪام بڻائي وئي.
سندس چوڻ هو ته بروڪلين ۾ اهو حملو حماس طرفان اسرائيل تي حملي جي هڪ سال کانپوءِ ٿيڻو هو.
اٽارني جنرل دعوى ڪئي ته شاهزيب ٻن انڊر ڪور اهلڪارن آڏو اعتراف ڪيو هو ۽ چيو هو ته جيڪڏهن هو ڪامياب ويو ته اهو 11 سيپٽمبر کانپوءِ امريڪا ۾ سڀ کان وڏو حملو هوندو.
ڏوهه ثابت ٿيڻ تي شاهزيب کي ويهه سال قيد جي سزا ٿي سگھي ٿي، امريڪي انصاف واري کاتي اهو به واضع ڪيو ته محمد شاهزيب خلاف الزام آهي ۽ جيستائين ڏوهه ثابت نٿو ٿئي الزام هي آيلن کي بيگناهه تصور ڪيو ويندو آهي.- Advertisement -
