آءِ ايم ايف معاهدن ۾ وڌيڪ سبسڊي ڏيڻ جي گنجائش ناهي: نگران وفاقي وزير شمشاد اختر

ناڻي واري نگران وفاقي وزير شمشاد اختر چيو آهي ته آءِ ايم ايف معاهدن ۾ وڌيڪ سبسڊي ڏيڻ جي گنجائش ناهي.

سينيٽ ڪميٽيءَ جي اجلاس بعد ميڊيا سان ڳالهائيندي شمشاد اختر چيو ته نگران حڪومت کي غريب عوام جو ڀرپور احساس آهي، غريب طبقي کي وڌيڪ ڏکيائين ۾ نه ٿو وجهي سگهجي.

هن چيو ته آءِ ايم ايف سان معاهدا گذريل حڪومتن ڪيا،  معاهدو اڳ کان طئه ٿيل آهي، ان ۾ سبسڊي ڏيڻ جي گنجائش ئي ناهي.

ناڻي واري نگران وفاقي وزير چيو ته نگران حڪومت معيشت جي استحڪام لاءِ رٿابندي  ڪري رهي آهي، معيشت جي بهتري لاءِ    حڪمت عملي تي ڪم ڪيو پيو وڃي. شمشاد اختر چيو ته معاشي استحڪام لاءِ اهڙا قدم کنيا ويندا، جنهن سان ڊالر جي ڀيٽ ۾ رپئي جو ملهه مضبوط ٿئي.