آءِ جي سنڌ غلام نبي ميمڻ جي صدارت هيٺ اعليٰ سطحي وڊيو لنڪ ڪانفرنس ۾ نارڪو ٽيڪس ۽ گٽڪي خلاف ٽاسڪ فورس جي ڪارڪردگي جو جائزو ورتو ويو آهي.
آءِ جي سنڌ غلام نبي ميمڻ جي صدارت هيٺ اعليٰ سطحي وڊيو لنڪ ڪانفرنس ۾ اسپيشل برانچ ۽ انويسٽيگيشن جي ايڊيشنل آءِ جيز سميت سمورن ڊي آءِ جيز شرڪت ڪئي.
اجلاس ۾ نارڪو ٽيڪس ۽ گٽڪي خلاف ٽاسڪ فورس جي ڪارڪردگي جو جائزو ورتو ويو.
آءِ جي سنڌ غلام نبي ميمڻ چيو ته ڏوهن ۾ ملوث ڊي ايس پيز، ايس ايڇ اوز ۽ هيڊ محررن خلاف قانوني ڪارروائي ڪئي وڃي، ٽاسڪ فورس منشيات خلاف ڪارروايون وڌيڪ تيز ڪري منشيات جي خاتمي کي يقيني بڻائي.
سندس چوڻ هو ته نارڪو ٽيڪس ۽ گٽڪي جي سرپرستي ۾ ملوث آفيسرن ۽ اهلڪارن خلاف لاڳاپيل ڊي آءِ جي ٿرو سي پي او سخت ايڪشن کي يقيني بڻائن.
آءِ جي سنڌ غلام نبي ميمڻ چيو ته منشيات ۽ گٽڪي جي وڏن ڊيلرن، هول سيلرن ۽ مافياز جو خاتمو ڪيو وڃي، بهتر ڪارڪردگي ڏيکاريندڙ آفيسرن ۽ اهلڪارن جي ريوارڊ لسٽ تيار ڪري موڪلي وڃي.
ايڊيشنل آءِ جي ڪراچي چيو ته منشيات ۽ گٽڪي جي وڏن ڊيلرن توڙي ڪارخانن خلاف ڀرپور ڪريڪ ڊائون جاري آهي.
فوڪل پرسن ايس ايس پي علي رضا ٽاسڪ فورس جي ڪاررواين بابت بريفنگ ڏيندي چيو ته ڪراچي ۾ 197 ڇاپن ۾ 197 ايف آءِ آرز تحت 269 جوابدارن کي گرفتار ڪيو ويو.
سندس چوڻ هو ته حيدرآباد ۾ ٽاسڪ فورس 32 ڇاپن ۾ 41 جوابدارن کي گرفتار ڪري 32 ڪيس داخل ڪيا، سکر ۾ 50 ڇاپن دوران 50 جوابدارن کي گرفتار ڪري 50 ايف آءِ آرز داخل ڪيون ويون آهن.
فوڪل پرسن ايس ايس پي علي رضا چيو ته خراب ڪاڪردگي تي آفيسرن خلاف کاتي جي ڪارروائي جاري آهي، معطل ٿيندڙ ۾ هڪ ڊي ايس پي سميت ڪينجهر ٺٽي، اورنگي ٽائون، نيو ڪراچي صنعتي ايريا، خواجا اجمير نگري ۽ کارادر جا ايس ايڇ اوز شامل آهن.
سمورين رينج جي ڊي آءِ جيز به منشيات ۽ گٽڪي خلاف ڪارروائي بابت ڌار ڌار بريفنگ ڏني.
