- Advertisement -
آرمي چيف جنرل عاصم منير سان مسجد نبوي صلعم جي امام ڊاڪٽر صالح بن محمد البدير ملاقات ڪئي، جنهن دوران گڏيل دلچسپي جي معاملن بابت خيالن جي ڏي وٺ ڪئي وئي.
آءِ ايس پي آر جو چوڻ آهي ته آرمي چيف جنرل عاصم منير سان مسجد نبوي صلعم جي امام ڊاڪٽر صالح بن محمد البدير جنرل هيڊ ڪوارٽرز راولپنڊي ۾ ملاقات ڪئي.
آءِ ايس پي آر موجب، ملاقات دوران گڏيل دلچسپي جي معاملن بابت خيالن جي ڏي وٺ ڪئي وئي.
آءِ ايس پي آر جو چوڻ آهي ته آرمي چيف جنرل عاصم منير معزز مهمان کي ڀليڪار چيو.
آءِ ايس پي آر موجب، آرمي چيف جنرل عاصم منير، مسجد نبوي صلعم جي امام ڊاڪٽر صالح بن محمد البدير جي پاڪستان دوري کي پاڪستاني عوام لاءِ اعزاز قرار ڏنو.
ان موقعي تي مسجد نبوي صلعم جي امام ڊاڪٽر صالح بن محمد البدير چيو ته پاڪستان جو مسلم دنيا ۾ اهم مقام آهي، پاڪستان خطي ۾ امن ۽ استحڪام لاءِ اهم ڪردار ادا ڪري رهيو آهي.
مسجد نبوي صلعم جي امام ڊاڪٽر صالح بن محمد البدير ملاقات جي پڄاڻي تي مسلمان ملڪن جي اتحاد، امن ۽ استحاڪم لاءِ دعا ڪئي.- Advertisement -
