آرمي چيف جنرل عاصم منير طرفان ازبڪستان جو دورو

آرمي چيف جنرل عاصم منير ازبڪستان سان تربيتي سهڪار ۽ انٽيليجنس مٽاسٽا وڌائڻ تي زور ڀريو آهي.

آءِ ايس پي آر طرفان جاري ڪيل بيان ۾ چيو ويو ته آرمي چيف جنرل عاصم منير جمهوريه ازبڪستان جي دوري تي آهي.

دوري دوران آرمي چيف ازبڪ صدر شوڪت مرزا يوئيف، بچاءَ واري وزير ۽ چيئرمين اينڊ سيڪريٽري اسٽيٽ      سڪيورٽي سروسز ازبڪستان سان ملاقات ڪئي.

ملاقات دوران آرمي چيف گڏيل  تربيتي سهڪار ۽ انٽيليجنس مٽاسٽا وڌائڻ تي زور ڀريو.

آرمي چيف ازبڪستان جي فوجي جي تربيت  جي معيار ۽ علائقائي سلامتي لاءِ ڪوششن جي واکاڻ ڪئي.

ازبڪ بچاءَ واري وزارت اچڻ تي آرمي چيف جنرل عاصم منير جي شاندار آجيان ڪئي وئي ۽ کيس گارڊ آف آنر پيش ڪيو ويو.

آرمي چيف جنرل عاصم منير تاشقند ۾ شهيدن جي يادگار تي گلن پڻ رکيا..