آمريڪا جي سامونڊي رياستن ۾ برفاني طوفان تباهي مچائي ڇڏي

آمريڪا جي سامونڊي رياستن ۾ برفاني طوفان تباهي مچائي ڇڏي، طوفان سبب 7 رياستن ۾ هنگامي حالتون لاڳو ڪيون ويون. برفاني طوفان سبب تقريبن 2 هزار اڏامون ملتوي ڪيون ويون، نيوجرسي، پنسلوينيا، ورجينيا ۽ اوهائيو سڀ کان وڌيڪ متاثر ٿيا. واشنگٽن، ميري لينڊ ۽ بالٽي مور ۾ به اڏامون ملتون ڪيون ويون، آچر کان هن وقت تائين ملتوي ڪيل اڏامن جو انگ تقريبن ساڍا چار هزار آهي. ورجينيا ، ڪينٽاڪي ۽ انڊيانا سميت ڪيترن ئي رياستن ۾ 3 لک کان وڌيڪ مانهو بجلي کان محروم آهن جڏهن ته ڏکڻ ڪيرولائنا، م يوزوري ۽ ڪنساس ۾ حادثن سبب 6 ڄڻا حياتيون وڃائي ويٺا. واشنگٽن ڊي سي ۾ 18 انچ تائين  برف پوڻ جي اڳڪٿي ڪئي وئي آهي. امريڪي موسميات کاتي جو چوڻ آهي ته موسم جي شدت هن مهيني جي وچ تائين برقرار رهندي. ان کان علاوه ڪيترين ئي رياستن ۾ گرمي پد ڪاٽو پنج ڊگري کان ڪاٽو 29 ڊگري تائين پهچڻ جو خدشو آهي……