آمريڪا ۽ اسرائيل غزا تي حملن ۾ روزاني چار ڪلاڪ وقفي تي اتفاق ڪري ورتو آهي، وائيٽ هائوس جو چوڻ آهي ته اتر غزه ۾ روزانو چار ڪلاڪ جنگبندي تي اڄ کان عمل شروع ٿيندو.
آمريڪي صدارتي آفيس وائيٽ هائوس موجب اسرائيل اتر غزه ۾ روزانو چئن ڪلاڪن جي جنگبندي تي راضي ٿي ويو.
وائيٽ هائوس جو چوڻ آهي ته اتر غزه ۾ روزانو چار ڪلاڪ جنگبندي تي اڄ کان عمل شروع ٿيندو، غزه جي ماڻهن کي ٻه انساني راهداريون فراهم ڪيون وينديون.
وائيٽ هائوس جو چوڻ آهي ته اسرائيل گهٽ ۾ گهٽ ٽي ڪلاڪ پهريان وقفي جو اعلان ڪندو، اسرائيل خاطري ڪرائي آهي ته وقفن دوران ڪا به فوجي ڪارروائي نه ٿيندي، غزه ۾ روزانو 150 امدادي ٽرڪون موڪليون پيون وڃن.
هوڏانهن اسرائيلي وزيراعظم آفيس غزا ۾ بمباري ۾ وقفي واري ٺاهه جي تصديق اڃان تائين ناهي ڪ ئي.
اسرائيلي فوج چيو آهي ته غزا ۾ جنگبندي نه پر وقفو ڪيو ويو آهي.
ٻئي پاسي حماس اڳواڻ اسماعيل هنيه جي سياسي صلاحڪار طاهرال نونو جو چوڻ آهي ته اسرائيل سان اڃان تائين ڪو ٺاهه ناهي ٿيو………
