بچاءَ واري وزير خواجه آصف چيو آهي ته آمريڪا ۾ به اسٽيبلشمينٽ جي حڪومت آهي، لڳي نه ٿو ته ڊونلڊ ٽرمپ تحريڪ انصاف باني جي آزادي جي ڳالهه ڪندو، آمريڪا سان ٻطرفن لاڳاپن تي ڳالهيون ٿينديون، گڏ هلندا پر ضرورت واري هنڌ اختلاف ڪيو ويندو، غزا، لبنان ۽ عراق ۾ جنگبندي ٿيڻ گهرجي، نئين آمريڪي حڪومت کي جنگبندي لاءِ قدم کڻڻا پوندا.
خانگي ٽي وي سان ڳالهائيندي خواجا آصف چيو ته آمريڪا ۾ به اسٽيبلشمينٽ جي حڪومت آهي، اتي پاڪستان کان وڌيڪ مضبوط اسٽيبلشمينٽ آهي.
سندس چوڻ هو ته لڳي نه ٿو ته ڊونلڊ ٽرمپ تحريڪ انصاف باني جي آزادي جي ڳالهه ڪندو، هڪ شخص جي خاطر ڪير به پنهنجا لاڳاپا خراب نه ڪندو.
بچاءَ واري وزير خواجه آصف چيو ته آمريڪا سان جتي ٻه طرفي لاڳاپن جي ڳالهه ٿيندي گڏ هلندا پر جتي ضرورت پئي ڀرپور اختلاف ڪيو ويندو.
هن چيو ته نسل ڪشي بند ٿيڻ گهرجي ۽ نئين آمريڪي حڪومت کي جنگبندي لاءِ قدم کڻڻا پوندا، جنگبندي لاءِ گڏيل قومن سميت ڪنهن به فورم تي هو آجيان ڪندا.
بچاءَ واري وزير خواجه آصف چيو ته غزا، لبنان ۽ عراق ۾ جنگبندي ضروري آهي، هن معاملي تي ڪابه ڳالهه ٻولهه نٿي ٿي سگهي.
