آمريڪا ۾ قيد ڊاڪٽر عافيه صديقي صدارتي معافي جي اپيل ڪري ڇڏي، برطانوي ميڊيا دعويٰ ڪئي آهي ته ڊاڪٽر عافيه صديقي جو چوڻ آهي ته ساڻس ناانصافي ٿي رهي آهي، سندس هر ڏينهن اذيت کان گهٽ ناهي، هن لاءِ قيد ڀوڳڻ سولو ناهي.
برطانوي ميڊيا موجب، ڊاڪٽر عافيه صديقي آمريڪي صدر کي اپيل ڪئي آهي ته هو صدارت جو مدو ختم ٿيڻ کان پهريان سزا معاف ڪري ڇڏي.
برطانوي ميڊيا جو چوڻ آهي ته ڊاڪٽر عافيه صديقي پنهنجي آزادي لاءِ پراميد آهي.
پنهنجي وڪيل ذريعي برطانوي ميڊيا سان ڳالهائيندي ڊاڪٽر عافيه صديقي چيو ته ساڻس ناانصافي ٿي رهي آهي، سندس هر ڏينهن اذيت کان گهٽ ناهي، هن لاءِ قيد ڀوڳڻ سولو ناهي، هوءَ هڪ ڏينهن هن عذاب مان آزاد ٿي ويندي.
برطانوي ميڊيا موجب، ڊاڪٽر عافيه جو آمريڪي وڪيل ڪلائيو اسٽافورڊ به صدارتي معافي لاءِ پراميد آهي.
ڊاڪٽر عافيه صديقي آمريڪا ۾ هڪ تڪراري عدالتي فيصلي سبب 86 ورهين جي سزا ڀوڳي رهي آهي.
