آمريڪي صدر ڊونلڊٽرمپ ڪئنيڊا کي هڪ ڀيرو ٻيهر آمريڪا جي 51هين رياست بڻائڻ جي خواهش ظاهر ڪري ڇڏي.
آمريڪي صدر ڊونلڊ ٽرمپ پنهنجي بيان ۾ چيو آهي ته محصولن ۾ اضافي سان ڪجهه تڪليف ٿيندي، پر ان جا نتيجا شاندار هوندا.
آمريڪي صدر جو چوڻ هو ته ڇو هو ڪئنيڊا کي سبسڊي ڏيڻ لاءِ سوين ارب ڊالر ادا ڪندا آهن؟.
ٽرمپ جو وڌيڪ چوڻ هو ته ڪئنيڊا کي آمريڪا جي 51هين رياست بڻائڻ گهرجي، ان صورت ۾ ڪئنيڊا وٽ بهتر فوجي تحفظ هوندو ۽ ان تي ڪو ٽيرف به لاڳو نه هوندو.