پي ٽي آءِ جي عوامي مسئلن ۾ ڪا به دلچسپي ناهي،  پي ٽي آءِ دور ۾ هي رڳو پيسو ٺاهڻ ۾ لڳل هئا : عطا تارڙ

سڌ سماءَ واري وفاقي وزير عطا تارڙ چيو آهي ته 190 ملين پائونڊ پاڪستان جي تاريخ جو سڀ کان وڏو ڌاڙو آهي، هنن چيو هو ته پي ٽي آءِ باني جا هٿ ڪرپشن سان رڱيل آهن. لاهور ۾ پريس ڪانفرنس ڪندي عطا تارڙ چيو ته پي ٽي آءِ باني ۽ سندس گهرواريءَ توشا خاني مان گهڙيو چوري ڪيون، ملڪ ۾ ترقي رڳو ن ليگ جي دور ۾ ٿي. هن چيو ته پي ٽي آءِ جي عوامي مسئلن ۾ ڪا به دلچسپي ناهي،  پي ٽي آءِ دور ۾ هي رڳو پيسو ٺاهڻ ۾ لڳل هئا. سڌ سماءَ واري وفاقي وزير چيو ته مهانگائي ۾ گهٽتائي ٿيندي، پاڪستان جي معيشت دنيا جي بهترين معيشتن ۾ ڳڻي ويندي. عطا تارڙ چيو ته اسٽاڪ مارڪيٽ روز نوان رڪارڊ ٺاهي رهي آهي، ملڪ ۾ ڪاروبار بحال ٿي رهيو آهي.