ارسا جي ايڊوائيزري ڪميٽي جو اجلاس سنڌ پاڻي جي فراهمي تي پيد ٿيل صورتحال تي ڪيو پيو وڃي.
اسلام آباد ۾ ارسا عبدالحميد مينگل جي صدارت هيٺ ارسا جي ايڊوائيزر ڪميٽي جو اجلاس ٿيو.
اجلاس ۾ ارسا جي چئني صوبن جي ميمبرن شرڪت ڪئي آهي.
اجلاس ۾ پاڻيءَ جي سطح گهٽجڻ سبب سنڌ کي پاڻي فراهمي بابت پيدا ٿيندڙ صورتحال تي غور ويچار ڪيو پيو وڃي.
اجلاس ۾ خريف جي فصل لاءِ پاڻي جي دستيابي تي به غور ويچار ڪيو پيو وڃي.
اجلاس کي بريفنگ ڏني وئي ته پاڻي جي فراهمي گهٽجي 30 سيڪڙو تي پهچي وئي.
ارسا ٽيڪنيڪل ڪميٽي خريف موسم لاءِ 30 سيڪڙو پاڻي جي فراهمي تي ڪم ڪيو آهي.
پهرين اپريل کان 10 جون خريف جي شروع ۾ پاڻي جي دستيابي 30 سيڪڙو کان به گهٽ رهندي.
پاڻي جي گهٽتائي جو سبب گهٽ گرمي پد ۽ برف پگهرڻ ۾ دير ڄاڻايو ويو آهي.
اجلاس ۾ پنجاب جي ميمبر طرفان ارسا ايڪٽ پيرا ٽو تحت پاڻي جي ورڇ جي مخالفت ڪندي چيو ته پاڻي ٽه رخي فارمولي تحت ورهايو وڃي.
هن چيو ته پيرا ٽو وارو معاملي سي سي آءِ ۾ آهي، جنهن ڪري ان تي عمل نٿو ڪري سگهجي.
سنڌ جي نمائندي ٽه رخي فارمولي کي هٿرادو فارمولو قرار ڏئي ڇڏيو.
اجلاس ۾ واپڊا طرفان به ٽي فائيو تي ڪم جاري رکڻ لاءِ پاڻي روڪڻ وار معاملو سامهو آيو، جنهن تي سنڌ پاران احتجاج ڪيو ويو.
