اسرائيل غزا تي حملا تيز ڪري ڇڏيا ، وڌيڪ 172  فلسطيني شهيد

غزا تي اسرائيلي فوج جي حملن جي نتيجي ۾ وڌيڪ 172 فلسطيني شهيد ٿي ويا. فلسطيني عملدارن موجب يهودي فوج جي حملن سبب 24 ڪلاڪن دوران 172 فلسطيني شهيد ۽ 326 زخمي ٿي پيا. هن وقت تائين شهيد فلسطينين جو انگ 24 هزار 620 ٿي ويو ۽ 61 هزار 830 زخمي ٿي پيا آهن. شهيد ٿيلن ۾ خانگي ٽي وي جو ڊائريڪٽر به شامل آهي. غزا ۾ مواصلاتي بريڪ ڊائون به هڪ هفتي کان وٺي جاري آهي. اسرائيلي فوج اولهندي ڪناري ۾ به تشدد جون ڪارروايون وڌائي ڇڏيون آهن، طولڪرم جو گهيرو ٻئي ڏهاڙي به جاري آهي، اسرائيلي ڊورن حملن ۽ ڇاپن دوران 11 فلسطيني شهيد ٿي ويا.