پاڪستان پي آءِ اي سميت سمورين اڏامن کي ايراني هوائي حدون استعمال نه ڪرڻ جي هدايت

پاڪستان پي آءِ اي سميت سمورين اڏامن کي ايراني هوائي حدون استعمال نه ڪرڻ جي هدايت ڪئي آهي. سول ايوي ايشن ذريعن موجب پاڪ ايران سرحدن تي ڇڪتاڻ سبب پاڪستاني ايئر لائنز کي احتياطي هدايتون جاري ڪيون ويون. يورپ ۽ سينٽرل ايشيا کان ايندڙ پي آءِ سميت ٻين ملڪي ايئر لائينز کي مسقط جي هوائي روٽ  کان بحيره عرب رستي پاڪستان ۾ داخل ٿيڻ جي هدايت ڪئي وئي. عرب امارات  ۽ سعودي عرب ايندڙ ويندڙ اڏامن کي به ايراني هوائي حدون استعمال نه ڪرڻ جي هدايت ڪئي. يورپ ۽ ترڪي سميت اولهه جي ملڪن کان ايندڙ ويندڙ  اڏامن کي به ايراني حدون استعمال نه ڪرڻ جي هدايت ڪئي وئي آهي.