ايراني صدر مسعود پيزشڪيان اسرائيل جي خلاف ميزائل حملي کي اسرائيلي “جارحيت” جو فيصلو ڪندڙ جواب قرار ڏنو.
سوشل ميڊيا ويب سائيٽ ايڪس تي جاري بيان ۾ ايراني صدر چيو ته ايراني حملو اسرائيلي جارحيت جو جواب آهي، ايران ۽ خطي ۾ امن لاءِ جائز حق استعمال ڪيو ويو.
ايراني صدر چيو ته صهيوني رياست جي جارحيت جو ڀرپور جواب ڏنو ويو آهي، ، هو جنگجو ناهن پر ڪنهن به خطري خلاف پختا بيٺا آهن.
ٻئي پاسي ايراني پرڏيهي وزير عباس عراقچي جو چوڻ آهي ته ايران تي اسرائيل جو حملو مڪمل ٿي ويو آهي، اسرائيل وڌيڪ جوابي ڪارروائي ڪئي ته جواب ڏنو ويندو.
پنهنجي بيان ۾ عباس عراقچي چيو ته ايران اسرائيل خلاف پنهنجو دفاع استعمال ڪيو، هنن جوابي حملو ڪرڻ کان اڳ 2 مهينا انتظار ڪيو ته شايد غزه ۾ جنگ بندي ٿي وڃي.
عباس عراقچي وڌيڪ چيو ته ايران جون ڪارروايون ختم ٿي چڪيون آهن، پر جيڪڏهن اسرائيل وڌيڪ جوابي ڪارروائي ڪئي ته ان کي وڌيڪ طاقت سان جواب ڏنو ويندو.
