اسرائيل کي معصوم شهرين جي حفاظت جو خيال رکڻ گهرجي : آمريڪي صدر جوبائيڊن

آمريڪي صدر جوبائيڊن چيو آهي ته  اسرائيل کي معصوم شهرين جي حفاظت جو خيال رکڻ گهرجي. آمريڪي صدر جوبائيڊن جو پنهنجي هڪ بيان ۾ چوڻ هو ته اسرائيل کي جنگي قانون تي هلڻ گهرجي. سندس چوڻ هو ته اسرائيل جي ڪري علائقائي امن کي پٺي نه ٿي ڏئي سگهجي، هاڻي اڳتي جيڪو ٿيڻو آهي اهو ٻه رياستي حل آهي. جوبائينڊن وڌيڪ چيو ته حماس فلسطينين جي اڪثريت جي نمائندي نه ٿي ڪري، حماس شهرين پٺيان لڪي رهي آهي. آمريڪي صدر چيو ته سندس خيال ۾ سعودي عرب ۽ اسرائيل وچ ۾ سفارتي لاڳاپن کي نقصان پهچائڻ لاءِ حماس حملو ڪيو آهي.