اسٽاڪ مارڪيٽ ۾ زبردست تيزي، نئون رڪارڊ قائم

پاڪستان اسٽاڪ مارڪيٽ ۾ نئون رڪارڊ قائم، ملڪي تاريخ ۾ پهريون ڀيرو هنڊريڊ انڊيڪس 55 هزار جي حد پار ڪري وئي آهي. ڪاروباري اسٽاڪ مارڪيٽ ۾ زبردست تيزي ڏسڻ ۾ آئي. ڪاروبار جي شروعات تي هنڊريڊ انڊيڪس ۾ هڪ هزار کان وڌيڪ پوائنٽس جو اضافو ٿيو. اسٽاڪ مارڪيٽ ۾ زبردست اضافي کانپوءِ هنڊريڊ انڊيڪس 55 هزار 253 پوائنٽس تي ٽريڊ ڪري رهي آهي. خميس ڏينهن ڪاروبار جي پڄاڻي تي هنڊريڊ انڊيڪس 54 هزار 261 پوائنٽس تي بند ٿي هئي. اسٽاڪ مارڪيٽ ۾ جاري رڪارڊ سازي تي سيڙپڪارن جو چوڻ هو ته هاڪاري اقتصادي خبرن کي نظر ۾ رکندي اعتماد بحال ٿي رهيو آهي اميد آهي ته مستقبل ۾ تيزي جو اهو سلسلو جاري رهندو………