نگران وزيراعظم انوار الحق ڪاڪڙ اسپيشل انويسٽمينٽ فيسليٽيشن ڪونسل جي ايپڪس ڪميٽي جو اجلاس اڄ طلب ڪيو آهي.
ايپڪس ڪميٽي جي اجلاس جي صدارت نگران وزيراعظم انوار الحق ڪاڪڙ ڪندو، جنهن ۾ چئني صوبن جا نگران وڏا وزير، وفاقي وزير، ۽ آرمي چيف سميت عسڪري عملدار شرڪت ڪندا.
ايپڪس ڪميٽي بابت نگران وزيراعظم ۽ ڪابينا کي تعارفي بريفنگ ڏني ويندي.
ايپڪس ڪميٽي نار جي ملڪن ۽ چين طرفان ملڪ ۾ سيڙپڪاري جي منصوبن تي به غور ڪندي، ان کان علاوه ايگزيڪٽو ڪميٽي ۽ عملدرآمد ڪميٽي جون سفارشون به پيش ڪيون وينديون.
