- Advertisement -
اسپين ۾ ٽرين حادثي ۾ 21 ڄڻا فوت ۽ هڪ سئو کان وڌيڪ ماڻهو زخمي ٿي پيا.
برطانوي خابرو ايجنسي موجب، اسپين جي ڏککڻ واري علائقي ۾ هڪ تيز رفتار ٽرين پٽڙي تان لهڻ کانپوءِ سامهون ايندڙ ٽرين سان ٽڪرائجي وئي جنهن سبب اها ٽرين به پٽڙي تان لهي وئي ۽ ٻنهي کي گھڻو نقصان پهتو.
برطانوي ميڊيا موجب، حادثي جي نتيجي ۾ 21 ڄڻا اجل جو شڪار ٿي ويا جڏهن ته زخمي ٿيل هڪ سئو ڄڻن مان 20 جي حالت ڳڻتي جوڳي ٻڌائي پئي وڃي.
حادثي وقت هڪ ٽرين ۾ 300 کان وڌيڪ مسافر سوار هئا، جڏهن ته ٻي ٽرين ۾ لڳ ڀڳ 100 مسافر سوار هئا.
حادثي کان پوءِ ٽرين آپريشن عارضي طور تي معطل ڪيو ويو جڏهن ته اختيارين واقعي جي جاچ شروع ڪري ڇڏي آهي.
- Advertisement -
