افغانستان ۾ آيل زلزلي ۾ فوتين جو انگ 2 هزار 400 کان وڌي ويو جڏهن ته 9 هزار کان وڌيڪ ماڻهو زخمي ٿيا ۽ هڪ هزار کان مٿي گهرن کي نقصان پهتو آهي.
پرڏيهي خابرو اداري جي رپورٽ موجب، ڇنڇر ڏينهن افغانستان جي صوبي هرات ۾ آيل زلزلي جو زور 6 ڏهائي 3 رڪارڊ ڪيو ويو جڏهن ته بادغيس ۽ فرح صوبي ۾ به آفٽر شاڪس محسوس ڪيا ويا.
رپورٽ ۾ چيو ويو آهي ته زلزلي جو مرڪز هرات کان 40 ڪلو ميٽر اتر اولهه ۾ هو ۽ ان بعد چار ڏهائي 6 ۽ ڇهه ڏهائي 3 جي شدت جا 7 آفٽر شاڪس آيا.
پرڏيهي خابرو اداري جي رپورٽ موجب، آيل زلزلي ۾ فوتين جو انگ 2 هزار کان وڌي ويو جڏهن ته 9 هزار کان وڌيڪ ماڻهو زخمي ٿيا ۽ هڪ هزار کان مٿي گهرن کي نقصان پهتو.
رپورٽ ۾ چيو ويو آهي ته ماڻهو مٽيءَ جي ڍيرن مان پنهنجي پيارن جي ڳولا ۾ رڌل آهن جڏهن ته عورتون ۽ ٻارڙا کليل آسمان هيٺ ويٺل آهن.
افغان طالبان حڪومت جي ترجمان جو چوڻ آهي ته پهريان زلزلي جا لوڏا آيا ته ماڻهو دڪانن ۽ عمارت مان نڪري ويا.
