امريڪا جي رياست ھوائي ۾ لڳل باھھ سبب سڙي فوت ٿي ويلن جو انگ وڌي 93 ٿي ويو آھي، جڏھن تھ باھھ کي امريڪي تاريخ جي 100 سالا بدترين باھھ قرار ڏنو پيو وڃي.
پرڏيھي ميڊيا موجب ھوائي ۾ بدترين باھھ لڳڻ سبب فوت ٿي ويلن جو انگ 93 ٿي ويو آھي، جڏھن تھ ٻيلن کي لڳل باھھ سبب عمارت ۾ لاشن جي ڳولا جو ڪم جاري آھي جنھن سبب فوتين جو انگ وڌڻ جو خدشو آھي.
امريڪي ميڊيا موجب، 2018ع ۾ ڪيليفورنيا جي ٻيلن ۾ باھھ لڳڻ سبب 85 ڄڻا فوت ٿي ويا ھئا.
ميڊيا رپورٽس موجب خطرناڪ باھھ ماووي ۾ 2200 کان وڌيڪ عمارتن ۽ اڍائي ھزار ايڪڙ زمين تي پوکيل سڀ ڪجھھ سڙي رک ٿي ويو ھو.
اي ڪامرس ڪمپني ايمازون جي باني ۽ دنيا جي ارب پتي ماڻھن ۾ شامل جيف بيزوس ۽ سندس مڱيندي لارين سينشز ماووي فنڊ جي نالي سان ھڪ فنڊ قائم ڪيو ويو آھي جنھن ۾ 100 ملين ڊالر عطيو ڪرڻ جو اعلان ڪيو.
