امريڪا طرفان هڪ ڀيرو ٻيهر نائب پرڏيهي وزير ڊونلد لو خلاف الزامن جي ترديد

امريڪا طرفان هڪ ڀيرو ٻيهر امريڪي نائب پرڏيهي وزير ڊونلد لو خلاف الزامن جي ترديد ڪئي وئي. امريڪي پرڏيهي کاتي جي ترجمان ميٿو ملر جو چوڻ آهي ته اسسٽنٽ سيڪريٽري ڊونلڊ لو خلاف الزام ڪوڙا آهن،کاتي جا آفيسر گواهي ڏيندا رهندا آهن، هو امريڪي عملدارن خلاف ڪنهن به الزام کي سنجيدگي سان وٺندا آهن. ميٿو ملر جو چوڻ هو ته سندن گواهي سان ڪانگريس کي پاليسي سازي ۾ مدد ملندي آهي، ڊونلڊ لو تي ماضي ۾ به الزام لڳايا ويا جنهن جي بار بار ترديد ڪئي. امريڪي پرڏيهي کاتي جي ترجمان ميٿو ملر وڌيڪ چيو ته امريڪا کي ڀارت جي شهريت ترميم ايڪٽ تي ڳڻتي آهي.