امريڪا جڙانوالا ۾ چرچ ۽ مسيحي برادري مٿان حملي تي ڳڻتي جو اظهار ڪيو آهي.
امريڪي پرڏيهي کاتي جي نائب ترجمان ويدانت پٽيل پريس ڪانفرنس ڪندي چيو ته پاڪستان ۾ گرجا گهرن کي نشانو بڻائڻ تي ڳڻتي آهي.
هن چيو ته امريڪا پر امن اظهار جي آزادي ۽ هر هڪ لاءِ مذهب ۽ عقيدي جي آزادي جي حق جي ڳالهه ڪندو آهي.
ويدانت پٽيل وڌيڪ چيو ته پاڪستاني عملدار واقعي جي مڪمل جاچ ڪن ۽ تشدد ۾ ملوث ڌريون پرامن رهن.
واضع رهي ته گذريل ڏينهن پنجاب جي ضلعي فيصل آباد جي شهر جڙانوالا ۾ توهين مذهب جي مبينا واقعي خلاف احتجاج ڪندڙ مڇريل ماڻهن ڪرسچن ڪالوني ۽ عيسى نگري ۾ 4 گرجا گهرن، مسيحي برادري جي گهرن ۽ ملڪيتن کي باهه ڏني هئي.
