انتهاپسندي ۽ نفرت تي ٻڌل بيان بازي سماج لاءِ خطرو آهي : وزيراعظم

وزيراعظم شهباز شريف چيو آهي ته انتهاپسندي ۽ نفرت تي ٻڌل بيان بازي سماج لاءِ خطرو آهي. هڪ بيان ۾ وزيراعظم شهباز شريف چيو ته اسلام انصاف، رحم ۽ سمورين مخلوقن جي احترام جو حڪم ڏئي ٿو. هن چيو ته پاڪستان سمورن مذهبن لاءِ هڪ محفوظ ملڪ آهي، دنيا عدم برداشت ۽ ورهاست جي وڌندڙ چئلينجن کي منهن ڏئي رهي آهي. سندس چوڻ هو ته  امن ۽ اتحاد لاءِ اجتماعي عزم جو وچن ڪرڻو پوندو، مذهبي اسڪالر ۽ سماجي اڳواڻ معاشري ۾ ڀائيچاري کي مضبوط ڪرڻ لاءِ ڪردار ادا ڪن. وزيراعظم شهباز شريف چيو ته حڪومت ڀائيچاري ۽ گڏيل احترام جي ماحول کي هٿي وٺرائڻ لاءِ پرعزم آهي.