- Advertisement -
اوٻاوڙي ڀرسان رونتي جي ڪچي واري علائقي ۾ پوليس پاران مغوين جي بازيابيءَ ۽ ڌاڙيلن جي خاتمي لاءِ آپريشن جاري آهي.
ايس ايس پي گهوٽڪي سميع الله سومري جي اڳواڻي ۾ ڇهن اي پي سي چين، بڪتربند گاڏين ۽ 15 ٿاڻن جي پوليس نفري پاران شر ٽولن جي ڌاڙيلن خلاف آپريشن ڪيو پيو وڃي.
ايس ايس پي گهوٽڪي جو چوڻ آهي ته اوٻاوڙي سميت ٻين علائقن مان اغوا ٿيل مغوين جي بازيابي ۽ ڏوهارين خلاف آپريشن جاري آهي.
هن چيو ته آپريشن ۾ ڊي ايس پي اوٻاوڙو سميت 15 ٿاڻن جي پوليس حصو وٺي رهي آهي، جڏهن ته ڏوهارين طرفان وقفي وقفي سان فائرنگ ڪئي پئي وڃي.
ايس ايس پي سميع الله سومري چيو ته ڏوهارين جو گهيرو تنگ ڪيو ويو آهي، مغوين جي بازيابيءَ ۽ ڌاڙيلن جي خاتمي لاءِ آپريشن جاري رهندو.- Advertisement -
