اوستا محمد:ڳوٺ رپتاني مگسي ۾ پراڻي تڪرار تان هٿياربندن جي فائرنگ، هڪ ڄڻو قتل

اوستا محمد ويجهو هٿياربندن پراڻي دشمني تان فائرنگ ڪري هڪ ڄڻي کي قتل ڪري فرار ٿي ويا. ڳوٺ رپتاڻي مگسي ۾ پراڻي دشمنيءَ تان هٿياربندن فائرنگ ڪري نادر حسين مگسي کي گولين جو کاڄ بڻائي ڇڏيو. اطلاع تي ليويز فورس موقعي تي پهچي لاش پنهنجي تحويل ۾ وٺي اسپتال منتقل ڪري ڇڏيو. اسپتال مان ضروري ڪارروائي بعد مڙهه وارثن حوالي ڪيو ويو، لاش گهر پهچڻ تي ڪهرام مچي ويو، ڪابه گرفتاري عمل ۾ نه آئي. پوليس جو چوڻ آهي ته واقعو پراڻي دشمني تان پيش آهي آهي، معاملي جي وڌيڪ جاچ ڪئي پئي وڃي، قاتلن کي جلد کان جلد گرفتار ڪيو ويندو.