اوٻاوڙي ۾ جمعيت علماءِ اسلام پاران شهر اندر شراب جي گتي خلاف 16 ڏينهن به احتجاج ڪيو ويو
جي يو آءِ ضليع امير مولانا اسحاق لغاري شراب جي گتي ٻاهران لڳل ڪئمپ تي پريس ڪانفرس ڪندي چيو ته سندن نوجوان نسل کي شراب جو عادي بڻائڻ لاءِ هي شراب جو گتو ڪراچي کان اوٻاوڙو ۾ شفٽ ڪيو ويو آهي جيڪو کين ڪنهن به ريت قبول ناهي.
هن چيو ته شراب جي گتي خلاف سندن پهرين ڏينهن کان وٺي احتجاجي تحريڪ جاري آهي.
سندن چوڻ هو ته حڪمرانن اوٻاوڙو شهر کي سٺي اسپتال توڙي يونيورسٽي ڏيڻ بدران کين هي شراب جو گتو تحفي ۾ ڏنو آهي، شراب جو گتو غير قانوني طور شفٽ ٿيو آهي.
جي يو آءِ اڳواڻ چيو ته جيڪڏهن شراب جو گتو بند نه ٿيو ته 31 آگسٽ تي شٽر بند هڙتال ڪري قومي شاهراهه تي ڌرڻو هنيو ويندو
