ايران جو صدر ابراهيم رئيسي پاڪستان جو دورو مڪمل ڪري سريلنڪا پهچي ويو

ايران جو صدر ابراهيم رئيسي پاڪستان جو دورو مڪمل ڪري سريلنڪا پهچي ويو آهي. سنڌ جي گورنر ڪامران ٽسوري ۽ وڏي وزير سيد مراد علي شاهه کيس مهمان کي الوداع ڪيو. ايراني صدر جي دوري دوران ٻنهي ملڪن وچ ۾ ڪيترن ئي معاهدن ۽ ياد داشتن تي صحيحون ٿيون. ان کان علاوه ايراني صدر رئيسي صدر آصف زرداري، وزيراعظم شهباز شريف، چيئرمين سينيٽ، اسپيڪر قومي اسيمبلي ۽ آرمي چيف جنرل عاصم منير سان ملاقات ڪئي. پرڏيهي مهمان ڪراچي ۾ مزار قائد ۽ لاهور ۾ علامه اقبال جي مزار تي حاضري پڻ ڀري، ابراهيم رئيسي ڪراچي ۾ گورنر سنڌ ڪامران ٽسوري، وڏي وزير مراد علي شاهه ۽ پ پ چيئرمين بلاول ڀٽو زرداري سان به پڻ ملاقات ڪئي. رات ڪراچي ۾ ترسڻ کانپوءِ صبح سوير ايراني صدر سريلنڪا لاءِ روانو ٿيو هو.