ايشين ڪپ ڪرڪيٽ ڪائونسل انڊر نائنٽين ايشيا ڪپ ۾ اڄ پاڪستان انڊر نائنٽين ٽيم پنهنجي پهرين ميچ روايتي مخالف ڀارت خلاف کيڏندي.
قومي رانديگرن جمعي تي آءِ سي سي اڪيڊيمي ٽريننگ سيشن ڪيو، سمورن رانديگرن ڪوچن جي نگراني ۾ بيٽنگ، بالنگ ۽ فيلڊنگ سيشنز ۾ حصو ورتو.
ٽورنامينٽ ۾ گروپ اي جون ميچون دبئي انٽرنيشنل ڪرڪيٽ اسٽيڊيم ۾ کيڏيون وينديون.
پاڪستان کي گروپ اي ۾ ڀارت، جاپان، ۽ متحده عرب امارات سان رکيو ويو آهي، جڏهن ته افغانستان، بنگلاديشن، نيپال ۽ سريلنڪا کي گروپ بي ۾ رکيو ويو آهي، ٻنهي گروپن جون ٽاپ 2 ٽيمون 6 ڊسمبر تي شيڊيول سيمي فائنل کيڏنديون.
واضع رهي ته ايونٽ جو فائنل 8 ڊسمبر تي دبئي انٽرنيشنل ڪرڪيٽ اسٽيڊيم ۾ ٿيندو، سموريون ميچون پاڪستاني وقت موجب صبح ڏهين وڳي شروع ٿينديون
